首页 > 劍龍石 & 東龍二輋 ~ 探索蚺蛇北 – 西貢 / 風の山旅 – 風の誌

東龍島行山路線,劍龍石 & 東龍二輋 ~ 探索蚺蛇北 – 西貢 / 風の山旅 – 風の誌

互联网 2021-04-18 14:08:09

時間:5小時46分距離:10.6公里路線:高流灣 → 蛋家灣 → 東龍二輋 → 蚺蛇灣 → 劍龍石 → 蚺蛇灣 → 蛋家灣 → 高流灣

雖然夏日炎炎,但係疫情關係好耐無郁動,隔左接近兩個月,忍唔住要出去行下,於是揀左去高流灣行東龍二輋避開人流,本來打算赤徑離開,行友提議不如去埋附近既千溪海岸睇劍龍石。我既體能係夏天既時候真係會跌好多,無咩信心行埋千溪海岸,姑且到時再睇下點啦。

為左搭去高流灣既船,晨咁早起身,仲早過返工。行友帶左5L既水,而我係臨出發前都係買多枝寶礦力,計埋都接近3L啦,於是就上船出發。

帶埋相機想睇下有無機會影到燕鷗,不過來回兩程一隻都睇唔到,反而小白鷺就有。

▲ 唯一收獲係影到飛緊既小白鷺高流灣 、 蛋家灣

一個鐘左右終於到左高流灣,聽就聽得多,但我地都係第一次黎高流灣。係碼頭既廁所整頓行裝之後就出發,經蛋家灣上東龍二輋。

▲ 寧靜漁村FEEL

比起高流灣,蛋家灣更加荒涼,睇書同地圖都話有幾條村落,屋都仲有幾棟係到,但感覺好耐無人住了。哩度有個寧靜既泥灘,都幾隱世FEEL嫁~過橋會有個公廁,經過巫屋就開始上山。

▲ 蛋家灣劉屋對出的小泥灘▲ 蛋家灣

係尼個時候竟然有隻狗係後面默默地跟住我地,前一晚我地先討論完行山好驚遇到狗,又稔起之前行山遇狗既不快經歷,加上尼隻狗隻左眼古古怪怪好似盲左咁,又唔知邊度彈出黎,於是我地好有戒心,唔望佢KEEP住行,點知佢繼續跟我地上山。由於佢跟係後面好有壓力,於是比佢行先,佢又好似知我地稔咩,真係一野衝左上前,見佢條尾隱沒左係前面既草叢後我地就繼續行,咁上下又會等埋我地先繼續行,但又會同我地保持距離,好有靈性。後尾行完返到屋企先知,原來佢就係高流灣名犬思思。

東龍二輋

由蛋家灣上東龍二輋既路起初都幾斜,又密又熱,但因為唔算太高,所以都頂得住。

一路行都會見到蚺蛇尖,反而尼個角度又覺得唔太尖喔。就係我地一路上山既時候,總會見到思思係到,起初不以為意,後尾就覺得佢係係到等我地。我地係到稔,死啦咁鬼熱,一陣上到山頂比水佢飲啦!但又驚比水佢飲,佢會唔會以為我地係主人就想跟我地返屋企嫁!

▲ 山到山脊晒到HI

再無幾耐我地見到思思係樹下面乘涼,見佢咁樣我地都係比左水佢飲,尼個天氣無論人定狗都頂唔順吧,佢上到黎尼到真係好叻。佢一見到我地倒水就發出微微既「嗚嗚」聲,我地無養開寵物所以唔太知究竟佢想表達D咩,只知道一有水佢就即刻起勢咁飲,應該好口渴了吧!點知佢飲左一半就唔飲…不過走之前,我地叫佢飲多D啦,前面都唔知有無水源。唔知佢係咪識聽,又真係去左飲多少少。

▲ 傻瓜慢慢飲啦

為左慶祝上到山脊,我地飲左雪到變左做冰既菊花茶。尼D天氣行山,凍野飲真係好重要。而去到尼一刻我地認為無咩可能完走千溪海岸,於是決定只去劍龍石,然後再返轉頭直接係蚺蛇灣上蚺蛇尖走就算。

▲ 荒野

一路我地就係到討論思思究竟會跟到我地去邊到,一路就爆尼條都密密地既路,終於去到山脊上面。其實東龍二輋尼條路係有兩個山峰,近蛋家灣既叫東龍尾輋,南邊既先叫東龍二輋,大約係220米高啦。雖然要曝曬,但比起上山既路開揚好多,可以開傘,同埋都係平路一條過,都唔算太辛苦,東龍二輋無標高柱所以不知不覺就行過左。其實尼條路我覺得都幾靚,方圓幾百里都睇唔到人這建築物,四周得返我地,好有一種行走荒野既感覺,遺世獨立。望向東邊係東龍二輋同蚺蛇尖之間既深坑,一陣既路應該就係要係下面行過去,一路上見到有小瀑布同澗係蚺蛇尖既北邊,不過地圖就連尼度有水都無標明,唔通尼D就係傳說中既隱世瀑布!?

▲ 咁樣睇蚺蛇尖真係唔係好尖蚺蛇灣

之後我地下一站係去蚺蛇灣,其實睇地圖就有條折徑去蚺蛇灣,但現場睇真係搵唔到,加上思思飲左水之後復活左,腳步輕盈行得仲快,真係睇得出佢好開心。咁反正我地都搵唔到路,就稔住係前面個路口先轉,於是就一直跟住思思啦。一路稔,前面有個四通八達既路口,思思陣間會行邊條呢,會唔會我地就此分道揚鑣呢?

好快到左路口(蚺蛇坳上面),思思停都無停就轉左。我地睇地圖CONFIRM,痴線,真係向蚺蛇灣方向果條路,思思你係咪識人類讀心術?

尼條路就係東龍二輋同蚺蛇尖之間個坑,有時會行過溪澗,應該就係我山上面見到果D流落黎吧,思思即刻落水玩水,又飲下水,我就稔其實會唔會係我稔多左,佢只係知道尼到有水先黎玩炸?不過我地唔想濕身,所以好快就走,思思可能心稔痴線嫁D人咁都唔落水玩。

▲ 玩水中的思思

之後就一直都係爆爆地林既路,雖然睇地圖唔算太長,但一路都係密林路,感覺都行左好耐,不過有思思帶頭開路,唔知點解有一種好安心既感覺,又覺得自己好似係熱帶雨林中行走,帶住隻狗出去搵食既原始獵人。亦都好在有佢一開始就帶岩路,因為尼一帶既路都唔少,如果無佢係到,都要搵一輪。

然後終於聽到樹林外面有人聲,我地都心稔點解會有人聲既?原來有一大班人係到露營,一定係搭大飛直接黎吧。不過成個灘無地方遮陰,想抖下都唔得,於是我地直接轉右開始綑邊。

▲ 蚺蛇灣▲ 擱淺的水母

而尼個時候思思突然唔見左,可能佢都覺得任務完成啦,而且我地綑邊都危險吧,佢行唔掂既話我地都揹唔到佢,佢唔跟好過跟…

劍龍石

就係我地行上D岩石無耐,思思又出現返,我同佢講我地要綑邊,好危險嫁唔好跟啦,一係係沙灘等我地啦,我地會返黎嫁。之後我地繼續綑邊,佢都仲係繼續跟黎…FINE…

劍龍石▲ 都係一齊綑的思思劍龍石▲ 開始綑劍龍石▲ 水好清

一路綑去到第一個險位,係一個懸崖位。(我地居然無影到相)雖然今日潮水唔算高,但係都廢事博,我地無意濕綑。崖邊有條山路可以跨過去,但兩邊都幾直下,需要用埋手先爬到上去。正準備上果陣,其實我由海灘行到一半既時候,突然覺得手手腳腳都無咩力,望住D反晒光白色既石頭好似浮下浮下咁,於是我地就係尼個海蝕隙到休息回氣。思思就自己爬左上去尼條山路到,我唔知點解佢又會識係到上…但係大老思思,我地仲食緊午飯啊,唔好咁CHUR啦>

免责声明:非本网注明原创的信息,皆为程序自动获取自互联网,目的在于传递更多信息,并不代表本网赞同其观点和对其真实性负责;如此页面有侵犯到您的权益,请给站长发送邮件,并提供相关证明(版权证明、身份证正反面、侵权链接),站长将在收到邮件24小时内删除。